باسم الله نبدأ

باسم الله نبدأ ..دايما عالمبدأ ..نوصل رساله ..لو توصل نهدأ ..نقدم الواجب ..اذا طلبوا نواجب ..المعدن ذهبي ..عمرو ما يصدا..

ما عاد ليك ما عاد

ما عاد ليك ما عاد ..و هذا العمر ساعه ..قوم و انظر العداد ..و ارضخ الى الطاعه ..تنبيه للي ظلم ..و لا حد منو سلم ..من غيرو ما تعلم ..ما تنفعو شفاعه ..ما عاد ليه ما عاد..و هذا العمر ساعه

يا الله خليها على الله

يا الله خليها على الله ..لا تعمل منها موضوع ..الحسره تنبت الاه ..و تعدي حياتك موجوع ..ارضى بمكتوبك يا صاح ..ارميها همومك و ارتاح ..اطوي الصفحه عاللي راح ..و اكتب ممنوع الرجوع

حلو و مر

حلو و مر ..حلو و مر ..و هكه يتعدى لعمر ..هكه الدنيا حال بحال ..هذيه حكمة لقدر ..☣️☣️ عندك حال ..عندو حال ..سبحانو مغير لحوال ..واحد حضو عال العال ..و لاخر مفلس و تر

انا شاهي كانون الليله

انا شاهي كانون الليله ..ما نحبش انا سخان ..الكانون يجمع العيله ..و لوخر قسدير و بردان ..

اطلع يا شمس و ما تغيب

اطلع يا شمس و ما تغيب ..تتعدى غيوم و ما ادوم ..من يزرع يحصد ما يخيب ..لابده يسعد في يوم ..🌹🌺🌷كل ليل يواليه صباح ..و كل غطه وراها رواح ..و التاعب لازم يرتاح ..عدل الله هذا معلوم

و مازال عندي الصبر

و مازال عندي الصبر ..كالصغر كيف الكبر ..مسافات انا مشيت ..تحديت شبر بشبر..و سبقتها لميال ..و شفت حال و حال ..ما عاد شي موحال ..ربي عطاني الصبر

خليها على الله و امشي

خليها على الله و امشي..الدنيا تمشي و تجي ..لا حول الا بالله ..لا غيرو الله قوي ..خليها على الله يا وخي ..في الدنيا ما دايم شي ..فينو فرعون و قارون ..و في بلادي فين هو البي ...خليها على الله يا وخي

اقصد ربي بكري بكري

اقصد ربي بكري بكري ..ما تنساشي ايامك تجري ..عندك واجب عندي واجب ..ربي يسهل امرك و امري

عنيد و نتحدى

عنيد و نتحدى ..مانيشي من اهل الرده ..لا ادوم الشده ..لا نرهب كثرة لهوال ..نعزم لا بده ..نجتاز الغصره نتعدى ..الصعب نقده ..و الله يغير لحوال..

ما تعلى عينك عالحاجب

ما تعلى عينك عالحاجب ..كبيرك هو تدبيرك ثبتلي روحك كتواجب ..راو غدوه الدور مع صغيرك حيي سلام لوالديك ..و اكرمهم باش يرضوا عليك و ارفع للخالق ايديك ..يعيشوا و يشوفوا خيرك

اللي زرع يحصد

اللي زرع يحصد .. و اللي تعب ينال .. و اللي هو مرصد ... ما يجني كان القال ...

يريدون اقناعك بالباطل و انت تعلم انه باطل

يريدون اقناعك بالباطل و انت تعلم انه باطل ..الباطل باطل و الحق هو المنتصر طال الزمان ام قصر

اش بدلك يا قلب

اش بدلك يا قلب ..كنت مصافي ..اش صار ليك اليوم ..اش جرالك ..صبحت كاللخرين ..صرت تكافي ..اش الهدف يا قلب ..غير حالك

في كل يوم مفارق

في كل يوم مفارق ..و في كل يوم ترحال ..الموت امهر سارق ..ياما خذات اجيال ..ساعات هي رحمه ..و ساعة وجيعة و صدمة ..حكم الله اسمى اسمى ..كل البشر لزوال

العمر كتاب

العمر كتاب ..و السنين صفحاته ..و حكم القضاء غلاب .. و عيب البشر زلاته ..الحياه مشوار ..مهما تطول ايامه ..و الاخره استقرار ..ان شاء الله يكون سلامه