اصحى و افرح يا فلاح

اصحى و افرح يا فلاح ..جيب المبروك و اراح ..الله غمرنا بخيراته ..سبحانه ربي الفتاح ..🌷🌺🥀..هيا انهض اصحى مالنوم ..ممنوع رقادك هاليوم ..ارضك مسقيه و تعوم ..اتنادي تقلق اراح 🌲🌳🌲

لا يدوم ليل يروح

لا يدوم ليل يروح ..و يحمل معاه اكدارنا ..يجينا الصباح و يفوح ..و تشع فيه انوارنا ..يا اهل الصباح مرحى ..يا شموسنا الصبحه ..تهل بالفرحه ..فوانيس وسط ديارنا

فتاح و يفتح لبواب

فتاح و يفتح لبواب ..الله هو النواب ..فاتح ابوابو ما وصدها ..كل اللي قصدها ما خاب ..بشراكم بخبر سعيد ..الله يبارك و يزيد ..مع الفرحه تشوفوا مواعيد ..و الله وحدو الوهاب

مثل العنب نحن

مثل العنب نحن ..وقت الخريف نشيب ..اوراقنا تيبس ..و على البلاد نغيب .. لا صغيرنا يرتع ..و لا كبيرنا يطلع ..الكل في مضجع ..ان شاء الله الربيع قريب

الله يسهل للكل

الله يسهل للكل ..الله يبارك و يزيد ..صبحتنا ان شاء الله فل ..يتعدى نهار سعيد ..

الشمس اذا غابت

الشمس اذا غابت ..لازم في يوم رجوعها ..توفى الليالي السود .و بعد الغيوم طلوعها ..و الحر يبقى حر ..شجرة قيم بفروعها ..و الدر يبقى در ..و سط الحياة شموعها

ردوا السلام عالطير

ردوا السلام عالطير ..قولوا صباح الخير ..الورد و الياسمين ..للطير باش يطير ..قولوا صباح الفل ..للي نهض و طل ..ان شاء الله نهار عسل ..فيه الفلاح كبير

كل ليل عندو صباح

كل ليل عندو صباح ..و الصفو بعد الغيمه ..و كل غط بعدو رواح ..و بعد الزعل تبسيمه ..و كل من تعب يرتاح .. ان شاء الله فرحكم ديمه

قداش تعدي يا قلبي

قداش تعدي يا قلبي ..و عمرك ما تكافي بالشر ..لابده يفرجها ربي ..حتى في اخر لعمر

شمس الامل ما تغيب

شمس الامل ما تغيب ..عالواثقين بالله ..و اللي سعى ما يخيب ..الله ديمه معاه ..و كل من زرع يحصد ..و كل من عمل يلقى ..زرع الاذى يفسد ..و الصالح الابقى

عمركشي ريت ورد الصباح مش زاهي

عمركشي ريت ورد الصباح مش زاهي ..و عمركشي ريت طالبينو غضابه ..و عمركشي ريت وجه الملاك مش باهي .. و عمركشي ريت الله سكر بابه...

اعزم و اتحدى

اعزم و اتحدى ..لازم تتعدى ..ما ادومش شده ..و القادم خير ..تحزم يا الله ..لعمال على الله ..باذنه تتجلى ..الله كبير

تكرم رشراشك هاو صب

تكرم رشراشك هاو صب ..الزيتونه شبعت و روات ..طلع البابوش هاو دب ..البرباشه يعبوا سلات

الصباح رباح

الصباح رباح ..و السلام عليكم ..ان شاء الله نسيم و رواح ..و الخير باش يجيكم ..هذا صباح جديد ..ان شاء الله يكون سعيد ..يحيي الامل و يزيد ..و ربنا يحميكم

صباح الامل ما يموت

صباح الامل ما يموت ..مهما الدرك ثقيل ..يفنى الكدر و يفوت ..كل صبح بعد الليل ..

مهما يطول نعاسنا

مهما يطول نعاسنا ..مكممات انفاسنا ..نصحى في يوم و نفيق ..و نعود ( حيث ) ساسنا ..يعود الكلام صريح ..لا ذل لا تلحليح ..ما يصح كان مليح .. والعدل يجمع ناسنا

تحدى و تعدى

تحدى و تعدى ..ما ادومش شده ..يفرجها الله ..و اتم المده ..انسى اللي جرالك ..علي مورالك ..لا حال يدوم ..جدد امالك ...

ربي يضويها على الكل

ربي يضويها على الكل ..و ربي يصبحنا على الخير ..يهل الفجر علينا يطل ..و هدي الله كبير كبير .. صباح الورد صباح الفل ..نهار سعيد حلو عسل ..لا تحرق شمس و تكوينا ..صباح النسمه صباح الضل

اذا الجسد تعبان

اذا الجسد تعبان ..عز الشباب في قلوبنا ..و مهما الخريف يبان ..ديمه الربيع مطلوبنا ..اوجاعنا ما تهدنا ..على احلامنا ما تصدنا ..من مهدنا الى لحدنا ..الله هو محبوبنا